«ПрофСтандарт» уку-укыту үзәгендә төзелеш өчен җир кишәрлекләрен рәсмиләштерү буенча семинар узачак
2018 елның 27 мартында «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе
«Капиталь төзелеш объектларын проектлаштыру кысаларында җир кишәрлекләрен тапшыру үзенчәлекләре һәм аларны рәсмиләштерү» темасына семинар оештыра.
Әлеге чара җир мәсьәләләре һәм шәһәр төзелеше сәясәте буенча җирле үзидарә органнары, юридик бүлекләр белгечләренә, җирдән файдалану һәм биналар салу мәсьәләләре буенча шөгыльләнүче белгечләргә юнәлдерелгән.
Семинарда лекторлар булып «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе, Казан шәһәренең җир һәм милек мөнәсәбәтләре комитеты, «Казан (Идел буе) Федераль университеты» югары һөнәри белем бирүнең федераль дәүләт бюджет белем бирү учреждениесе белгечләре чыгыш ясаячак.
Семинарда түбәндәге темалар каралачак:
- Җир, шәһәр төзү, күчемсез милек турында законнар нигезләмәләренең аңлатмасы;
- Төрле ысуллар белән җир кишәрлекләре барлыкка килүнең яңа кагыйдәләре. Булачак, күп контурлы һәм элегрәк исәпкә алынган җир кишәрлекләре. Барлыкка килүче җир кишәрлекләренең чикләренә төгәллек һәм яраштыру ясау;
- Төрле объектларны төзү һәм башка максатлар өчен дәүләт һәм муниципаль милектән җир кишәрлекләрен бирүдә үзгәрешләр, сатулар белән һәм сатуларсыз, җир кишәрлеген бирүдә баш тарту нигезләре;
- Җиргә аренда, сервитут һәм башка хокуклар;
- Территорияне комплекслап үзләштерү;
- Территориаль планлаштыру документларының, шәһәр төзелешен проектлаштыру нормативларының, җирдән файдалану һәм биналар салу кагыйдәләренең, территорияләр белән файдалану өчен аерым шартлы зоналарның, территорияләрне планлаштыру һәм межлау проектларының, аларның төзелеш өчен җир кишәрлекләрен бирүгә булмаган йогынтысы, җир кишәрлегенең категориясен һәм рөхсәтле куллану төрен үзгәртү, төзелешкә рөхсәт бирү/алу;
- Җир кишәрлекләрен торак пунктлар җирләренә һәм башка категориядәге җирләргә күчерү тәртибе һәм документлары;
- Территорияләрне (саклана торган һ.б.) куллану өчен аерым шартлары булган төрле зоналарны билгеләү тәртибе һәм аларның эшчәнлеккә йогынтысы;
- Җир кишәрлегенең шәһәр төзелеше планы буенча тапшыру шартлары һәм әһәмияте, мәҗбүрилек очраклары һәм территорияләрне планлаштыру һәм межлау проектларын әзерләү;
- «Төзелешкә рөхсәт формасы һәм объектны файдалануга кертү формасы раслануы турында» 2015 елның 19 февраленда чыккан 117/пр номерлы РФ Төзелеш министрлыгы Боерыгы буенча төзелешкә рөхсәт һәм рөхсәтеннән башка кертелгән төзелеш очраклары, үз белдеге белән (төзелешкә рөхсәттән башка) булдырылган корылмаларны булдыру һәм саклап калу;
- Техник планы һәм күчемсез милек объекты турында рәсми белдерү;
- Төзелгән/реконструкцияләнгән объектны файдалануга кертү, шул исәптән, аны төзү өчен рөхсәт таләп ителмәгән объектка кадастр исәп һәм милекчелек хокукын теркәү;
- Дәүләти яки муниципаль әһәмияттәге объектларны урнаштыру, шул исәптән шәхси затлардан күчемсез милекне алу үзенчәлекләре;
- Яңартылган «Россия Федерациясендә җирле үзидарә оештыруның гомуми принциплары турында» ФЗ «Җир» нигезләмәләре.
Семинарда катнашып, Сез законнар базасы буенча мәгълүматны системалаштырасыз, биналар салу өчен кишәрлекләрне сатып алу стратегиясен һәм эшчәнлеген оптимальләштерергә өйрәнәсез, проект документларын әзерләү һәм рәсмиләштерү вакытын кыскартасыз, дәүләти һәм муниципаль ихтыяҗлар өчен җирнең резервта саклануы һәм алынуы белән бәйле булган хәвеф-хәтәрләрне киметәсез.
Укуның бәясе: төшке аш белән бер тыңлаучыга 3 900 сум тәшкил итә (ӨКС салынмый). Семинарның һәр катнашучысы материаллар комплекты алачак.
Семинарда катнашу заявкасын www.proff-standart.ru сайтында тутырырга яки info@proff-standart.ru электрон почтасына җибәрергә була.
Семинарны үткәрү урыны: «ПрофСтандарт» өстәмә һөнәри белем бирү автоном коммерцияле булмаган оешма, Казан шәһәре, Шуртыгина урамы, 22нче йорт.
Өстәмә мәгълүмат: +7 (843) 253-75-49, 272-65-60, info@proff-standart.ru.